شىمكەنتتە 39 259 ازامات تۇرعىن ۇيگە مۇقتاج. بۇل تۋرالى شىمكەنت قالاسى اكىمىنىڭ قاتىسۋىمەن وتكەن جينالىستا تۇرعىن ءۇي جانە تۇرعىن ءۇي ينسپەكتسيا باسقارماسىنىڭ باسشىسى ع.تولەپوۆ ايتتى, - دەپ حابارلايدى قالا اكىمىنىڭ ءباسپاسوز قىزمەتى.
قۋانارلىعى, جىل سوڭىنا دەيىن 450 كوپبالالى وتباسى, 394 الەۋمەتتىك جاعىنان وسال توپتاعى ازامات, 300 جاس باسپانالى بولادى.
ايتا كەتەيىك, اعىمداعى جىلى "2-10-20" باعدارلاماسى بويىنشا 1047 از قامتىلعان وتباسى ەلەكتروندى تۇردە نەسيە ارقىلى پاتەر الۋعا ءوتىنىم بەرگەن. قازىرگى تاڭدا قۇجاتتاردى تەكسەرۋ جۇمىستارى جۇرگىزىلۋدە. ال "7-20-25" باعىتى بويىنشا 219 ازامات, "تۇرعىنۇي قۇرىلىس جيناق بانكى" ارقىلى 73 ازامات باسپانالى بولعان.
جىل سوڭىنا دەيىن "2-10-20", "7-20-25" باعدارلاماسىمەن باستاپقى جارنانىڭ ءبىر بولىگىنە الەۋمەتتىك كومەك رەتىندە قايتارىمسىز نەگىزدە جەرگىلىكتى بيۋدجەتتەن اقشا قارالىپ, سەرتيفيكاتتار بەرۋ جوسپارلانعان.
جالپى شىمكەنتتە كەزەكتە تۇرعاندار: جەتىم جانە اتا-انا قامقورلىعىنسىز قالعاندار – 1631, كوپبالالى – 5188, الەۋمەتتىك جاعىنان ءالسىز توپ – 12829, مەملەكەتتىك جانە بيۋدجەتتىك ۇيىم قىزمەتكەرلەرى – 19585, تۇرعىن ءۇيى اپاتتى دەپ تانىلعان – 26 تۇرعىن بار.